SUR UNE IDEE DE Gilles Girard - " La féha dè la sïn hlâr "...ET A DEMAIN POUR LA TRADUCTION ... !!!

 La féha dè la sïn klâr
Dè tô ly tin, la shïn klâr la tolon éscha la pu bèlla féha dy pahy.
Yé sèlla kon vê dè moé dè béshyè. ky ky n'ïn a! pâ dè béshyè! dè zhôvïnhô pè mârkâ
l'zhôr.
Jôzhêt, tô dè neuévr'arbyâ a sè dèpatchè pè zhy allâ. Su sa rôta, a ratrapè sa v'gïnha.
Bonzhôr la Finè, tâ bïn drômê ? Ô pâ bien mon pour jozhêt. Tè sha, nousha vaschè la
éschâ malâda è on a kazy passâ la né avôè l'anta; krèyè kè lé dabor a poïn!
Kouy l'anta ?
La vaschè gran badjan, mon pâhè a vyê mïnhâ le boé a la féha è ïn blaguïn avôè ma
mâha a sè sé fé éttripâ!
Pè ta mâha ?
Pè l'boé djanbôk, dy kou y mè fâ allâ a la féha tôta sôllètta pè astâ on pôêr. Y mè fâ n'ïn
trôvâ yon bïn grâ ky tournè bâ dè montanyè.
È zhô kâ dy jôsêt: su pâ tchè pè t'édâ,
Bon bon bïn on z'y va.
Su la rôta y sè djon rïn, on chènyè justô lè rôé dy tombého, mê jôsêt a kôkâvè dè s'lô kou
dè zhu a fé tremblâ on statue.
Ïn arvïn y prâ dè féha, y réston ïn admirachon dèvan on bèlla mozhè l'bôkêt dè la féha.
Jôsêt n'ïn profitè pè la fé on mâma din l'kôl!
pâ a la mozhè, a la finè , pouy y s'arréshon dèvan on moé dè pôêr, y s'avéton! pâ ly pôêr,
jôsêt è la finè.
Finalamïn l'sè dècidè dè n'ïn astâ yon è sè dy:
 lé plin kamm'on dé z'arvèhê pâ a l'ïnméhâ!
kouy mê kâ dy jôsêt: Le pôêr gran tarabé !
În arvïn a méjon jôsêt a sè bayè on kou dè man pè l'sénâ, â prin son k'té è a plantè ïn plin
din le kôér, dy pôêr ! A l'alâvè bârôttâ ,
Tïn bon Finè, mê la koy l'éschapè dè la man è la tchouta fé kartché ly kâtro fér ïn lèr.
La Finè sè rlévè tôta rôssètta kammè on tomata pouy dy:
Tavê bèzhoïn dè mèryè my môlêt !! è y sè bètton tô a ryè.
Dèvêrné a la sôpa, kan ly viu vryévon la téscha, y sè bayévon on frikacha dè mâtchu!
pâ dè pôêr!
Kâkè zhôr apré kè jôsêt a n'ïn pchê pamé a dy a la mâha:
Maryè, y fâ mè bayè son kôér ?
Mê mon pour jôsêt, lé fé kouyè!
Mê pâ su dy pôêr, su dè la Finè! Â kan tè mè dyé tôt, pouy pâ tè rfusâ sin
È l’an d’apré yon avu on bé garchon.
Sy la vaschè l'avê pâ vélâ, a la féha y saryon pâ allâ!
Môralitâ
A kâkèrïn maleuha lé bon!!!!!